- ទំព័រដើម
- PISA
PISA និងអក្ខរកម្មគណិតវិទ្យា
PISA មិនសួរថាសិស្សចាំរូបមន្តបានប៉ុន្មានទេ តែវាយតម្លៃថា សិស្សអាចយកគណិតវិទ្យាទៅដោះស្រាយបញ្ហាក្នុងជីវិតជាក់ស្ដែងបានកម្រិតណា។
កម្មវិធីអន្តរជាតិស្តីពីរង្វាយតម្លៃលទ្ធផលសិក្សារបស់សិស្ស
PISA (Programme for International Student Assessment) គឺជាកម្មវិធីវាយតម្លៃរបស់អង្គការសហប្រតិបត្តិការសេដ្ឋកិច្ច និងអភិវឌ្ឍន៍ (OECD) ដែលបង្កើតឡើងក្នុងឆ្នាំ ១៩៩៧។ វដ្តដំបូងបានដំណើរការក្នុងឆ្នាំ ២០០០ ដោយមានប្រទេស និងតំបន់សេដ្ឋកិច្ចចំនួន ៣២ ចូលរួម។
PISA ពុំមែនជាកម្មវិធីសិក្សាថ្មីឡើយ។ មេរៀនដដែលក្នុងសៀវភៅសិក្សាគោលរបស់ក្រសួងអប់រំ យុវជន និងកីឡា នៅតែជាមូលដ្ឋាន តែសំណួរប្ដូរមកជាស្ថានភាពជាក់ស្ដែង ដែលទាមទារការគិតហេតុផល និងការដោះស្រាយបញ្ហា។
OECD
ជាអ្នករៀបចំ និងដឹកនាំកម្មវិធី PISA
សិស្សអាយុ ១៥ ឆ្នាំ
ជាក្រុមសិស្សដែល PISA វាយតម្លៃ
៣ មុខវិជ្ជាស្នូល
អំណាន គណិតវិទ្យា និងវិទ្យាសាស្ត្រ
២០០០
វដ្តដំបូង មាន ៣២ ប្រទេស និងតំបន់សេដ្ឋកិច្ច
គណិតវិទ្យាតាមបែប PISA ត្រូវបានរៀបចំយ៉ាងដូចម្ដេច?
សំណួរនីមួយៗ ភ្ជាប់លំនាំគណិតវិទ្យា ខ្លឹមសារ និងបរិបទជាក់ស្ដែង ហើយការផ្តល់ហេតុផលតាមបែបគណិតវិទ្យា ស្ថិតនៅចំកណ្ដាល។
លំនាំគណិតវិទ្យា
- ការផ្តល់ហេតុផលតាមបែបគណិតវិទ្យាស្នូលនៃក្របខណ្ឌ
- បម្លែងបញ្ហាជាទម្រង់គណិតវិទ្យាFormulate
- អនុវត្តគណិតវិទ្យាEmploy
- បកស្រាយ និងវាយតម្លៃInterpret and Evaluate
ខ្លឹមសារគណិតវិទ្យា
- បរិមាណQuantity
- ភាពមិនច្បាស់ និងទិន្នន័យUncertainty and Data
- បម្រែបម្រួល និងទំនាក់ទំនងChange and Relationships
- លំហ និងទ្រង់ទ្រាយSpace and Shape
បរិបទ
- បរិបទបុគ្គលPersonal
- បរិបទការងារOccupational
- បរិបទសង្គមSocietal
- បរិបទវិទ្យាសាស្ត្រScientific
ដំណើររបស់កម្ពុជាជាមួយ PISA
PISA វាយតម្លៃថា សិស្សអាចយកចំណេះដឹងគណិតវិទ្យា ទៅប្រើក្នុងស្ថានភាពជាក់ស្ដែងបានកម្រិតណា។
- ២០១៧
ក្រសួងអប់រំ យុវជន និងកីឡា សម្រេចអនុវត្តកម្មវិធី PISA-D (PISA for Development)។
- ២០១៨
ធ្វើតេស្ត PISA-D ជាក់ស្ដែង រួមជាមួយប្រទេសចំនួន ៩ ទៀត។
- ២០១៩
ថ្ងៃទី ១៨ ខែមករា ក្រសួងប្រកាសសម្រេចចូលរួមកម្មវិធី PISA។
- ២០២២
ចូលរួម PISA ជាផ្លូវការជាលើកដំបូង ក្នុងចំណោម ៨១ ប្រទេស។
- ២០២៥
បន្តចូលរួមវដ្ត PISA ២០២៥ (៩១ ប្រទេស និងតំបន់សេដ្ឋកិច្ច)។ ពិន្ទុមធ្យមគណិតវិទ្យាកើនដល់ ៣៦៦។
- ២០២៩
វដ្តបន្ទាប់ — ត្រៀមសិស្សឱ្យស៊ាំនឹងការគិតបែប PISA និងការធ្វើតេស្តលើកុំព្យូទ័រ។
ពិន្ទុមធ្យមរបស់សិស្សកម្ពុជា
តាមមុខវិជ្ជា និងវដ្តវាយតម្លៃ
- អំណាន
- គណិតវិទ្យា
- វិទ្យាសាស្ត្រ
សម្គាល់៖ គេហទំព័រ និងសៀវភៅនេះ ជាឯកសារអប់រំឯករាជ្យ មិនមែនជាការបោះពុម្ពផ្សាយផ្លូវការរបស់ OECD ឬ PISA ឬក្រសួងអប់រំ យុវជន និងកីឡាទេ។ ខ្លឹមសារដែលសម្របពីក្របខណ្ឌរបស់ OECD ត្រូវបានចែកចាយក្រោមអាជ្ញាប័ណ្ណ CC BY-NC-SA 3.0 IGO — មើលប្រភព និងអាជ្ញាប័ណ្ណ។