- ទំព័រដើម
- សំណង់ធរណីមាត្រ
- រូបក្នុងមេរៀន
របៀបគូសរូប៖ សង់ត្រីកោណកែងសមបាត ABC
រូបក្នុងមេរៀន គូសម្ដងមួយជំហាន ដើម្បីឱ្យឃើញថាគូសវាដូចម្ដេច។
- ត្រូវការ៖ បន្ទាត់ · ដែកឈាន (ឬកែង) · ខ្មៅដៃ
- ថ្នាក់ទី ៧ · មេរៀនទី ១៥
◀ ត្រឡប់ទៅលំហាត់វិញ
២.៤ វិបាក ២. ត្រីកោណកែងសមបាត · ថ្នាក់ទី ៧ មេរៀនទី ១៥ រូបធរណីមាត្រមានវិមាត្រពីរ
សង់ត្រីកោណកែងសមបាត ABC កែងត្រង់ A ដោយមានជ្រុងមុំកែងស្មើគ្នា AB = AC។ បង្ហាញថាមុំស្រួចនីមួយៗ B = C = 45°។
សាកល្បងខ្លួនឯង
អូសចំណុច C តាមបណ្ដោយកន្លះបន្ទាត់ Ax ដើម្បីប្ដូរប្រវែងជ្រុង៖ ត្រីកោណនៅតែកែងត្រង់ A និងមាន AB = AC ជានិច្ច នាំឱ្យមុំ B = C = 45° ជានិច្ច។
- គូសកន្លះបន្ទាត់ដេក Ax មួយ រួចកំណត់ចំណុច C នៅលើនោះ។
- ត្រង់កំពូល A សង់កន្លះបន្ទាត់ Ay កែងនឹង Ax (∠xAy = 90°) ដោយប្រើកែង ឬដែកឈាន។
- បើកដែកឈានកាំស្មើនឹង AC យក A ជាផ្ចិត គូសធ្នូរង្វង់កាត់កន្លះបន្ទាត់ Ay ត្រង់ចំណុច B គេបាន AB = AC។
- ប្រើបន្ទាត់ គូសអង្កត់ BC (អ៊ីប៉ូតេនុស) ភ្ជាប់ពី B ទៅ C គេបានត្រីកោណកែងសមបាត ABC ត្រង់ A។
- ដោយ AB = AC នោះ ∠B = ∠C។ ក្នុងត្រីកោណកែង ផលបូកមុំស្រួច ∠B + ∠C = 90° នាំឱ្យ ∠B = ∠C = 45°។
គន្លឹះនៃសម្រាយ
ត្រីកោណកែងសមបាត៖ ជាត្រីកោណកែងដែលមានជ្រុងមុំកែងទាំងពីរស្មើគ្នា (AB = AC)។
មុំស្រួចនីមួយៗស្មើនឹង 45°៖ ដោយផលបូកមុំក្នុងត្រីកោណស្មើ 180° ហើយមុំកែងស្មើ 90° នាំឱ្យ ∠B + ∠C = 90°។ ដោយ ∠B = ∠C នោះ ∠B = ∠C = 45°។
សម្រាយពេញមាននៅក្នុងមេរៀន៖ ថ្នាក់ទី ៧ · មេរៀនទី ១៥។
សំណង់ដែលរូបនេះប្រើ
- បន្ទាត់កែងត្រង់ចំណុចមួយជំហានទី ២